我曾經覺得，小人仔好難湊。
有一段時間，我好努力想跟方法去湊一個BB。
我會睇資料、問人、照住做，希望只要方法啱，事情就會慢慢好起嚟。
但越做，我反而越覺得事情好似開始失控。
小人仔由出世開始，我就已經覺得佢好難湊。
當時最令我困惑的，不是辛苦本身，而是很多我以為理所當然的事，一到我手上，完全變成另一回事。
我一直以為，小朋友某程度上會「似自己」，至少可以用自己細個嗰陣的經驗去理解。但慢慢我發現，原來唔係咁。小朋友雖然有父母的遺傳，但佢本身係一個完全獨立、而且好獨特的個體。細個時候的自己，最多只可以作為參考，真正重要的，其實係觀察。
但當時的我，並唔識用呢個方式去看。
作為一個新手媽媽，我做的，是盡量跟從長輩同專家教的方法去做。唔好抱太多，唔係會扭抱；要做 sleep training，等佢學識自己瞓；餵奶、作息、各種細節，我都盡量跟足。我甚至會因為俾唔到人奶而覺得自責，覺得自己一開始已經做得唔夠好。
但現實係，小人仔完全唔跟呢一套。
佢有 colic，每日定時定候發作兩次，每次可以喊足兩個鐘，喊到面都變色。佢成日喊、成日叫，睡眠周期好短；濕疹生到手、面、腳都有。
仲有一樣令我好難受——佢會跟我媽，但唔跟我。我抱佢，佢會掙扎。
所有嘢加埋，令我開始覺得，係咪我做錯咗？係咪我唔識湊？點解我個小朋友，同我認知入面嘅BB，完全唔一樣？
我不停用「正常BB應該係點」去對照佢，但越對照，就越覺得自己做得唔好。
但我當時冇諗過另一個可能。
我冇真正去觀察過佢，只係不停問：點解佢同其他BB唔同，點解佢同我細個唔同，點解佢同我細佬妹唔同。
我冇試過用另一個角度去想——會唔會，其實佢本身就有佢自己嘅節奏，同埋一啲我未理解到嘅需要？
當時的我，只有一種感覺：攰，同埋無力。
如果你都有過呢種感覺——
好似越做越用力，但事情反而越亂，其實有一段時間，我都係咁。
我後來慢慢將呢啲「未明白」嘅片段記低咗落嚟，
如果你都有類似經歷，可以由呢度開始睇：
另外，如果你曾經試過跟方法去處理，
但越做越覺得自己愈嚟愈無力，
可以由「睡眠訓練」嗰一段開始。